"საქართველოს ლატარიის კომპანიის" ლატარიის რიგით 240-ე გათამაშებაში ჯეკ-პოტი - 2.632.718 ლარი, 58 წლის თბილისელმა მანანა მამისაშვილმა მოიგო.

მანანა მამისაშვილს "საქართველოს ლატარიის კომპანიის" ოფისში გამარჯვების დამადასტურებული დოკუმენტაცია გადასცეს.

როგორც "ინტერპრესნიუსს" მანანა მამისაშვილმა განუცხადა, ის პერიოდულად ყიდულობდა ლატარიის ბილეთებს. ჯეკ-პოტი კი ცოტა ხნის წინ ნაყიდი ორი ბილეთიდან ერთ-ერთმა მოიგო.

"საქართველოს ლატარიის კომპანიის" ლატარიის გათამაშებებში ეს მესამე მოგებული ჯეკ-პოტია. პირველად, 4.400.000 ლარი აფხაზეთიდან დევნილმა ზამირა თორდინავამ მოიგო, მეორე - 500 ათასი ლარი თბილისელმა დავით ლომინაძემ.

მანანა მამისაშვილისთვის მოგების მისალოცად ზამირა თორდინავა მივიდა, რომელმაც გარკვეული რჩევები მისცა ახალ მილიონერს.

იხილეთ ვიდეო