„თუკი ხელისუფლებას არ შეუძლია ამ პრობლემის მოგვარება, სანამ რამეს იტყვიან დაფიქრდნენ მაინც და ასეთ უპასუხისმგებლო განცხადებებს ნუ გააკეთებენ. ეს სიტყვები იწერება ისტორიაში და ისინი ამისათვის პასუხს აგებენ ერისა და ისტორიის წინაშე, ეს მინდა რომ იცოდნენ", - განუცხადა კახეთის საინფორმაციო ცენტრს დავით გარეჯის წინამძღვარმა, არქიმანდრიტმა ილარიონმა.

დიპლომატი ზურაბ აბაშიძე From.ge-სთან საუბარში აცხადებს, რომ არ არის გამორიცხული საქართველო-აზერბაიჯანის ურთიერთობების გაფუჭება ვიღაცეებს აწყობდეს, თუმცა ქართულ საზოგადოებას თუ რაიმე კითხვები აწუხებს, საკუთარ ხელისუფლებას უნდა შეეკითხოს და არა აზერბაიჯანის საელჩოსთან გამართოს მიტინგი.

[From.ge]

მიხეილ სააკაშვილმა აშშ-ში ვიზიტის ფარგლებში გამართულ შეხვედრებზე ჩიკაგოს სამიტის მნიშვნელობაზე ისაუბრა. ამის შესახებ ინფორმაცია საქართველოს პრეზიდენტის ადმინისტრაციამ გაავრცელა. პრეზიდენტის განცხადებით, ნატოს სამიტს განსაკუთრებული მნიშვნელობა აქვს. მისი თქმითვე, ამ შეხვედრაზე ნატოს გაფართოების საკითხი არ განიხილება, მაგრამ წელს საქართველოსთვის, როგორც არასდროს, მნიშვნელოვანია, რომ სამიტზე აღინიშნოს საქართველოს პროგრესი ალიანსში ინტეგრაციის გზაზე.