რამაზ საყვარელიძე - პოლიტიკაში გადამწყვეტი არ არის სიმართლე, პოლიტიკაში გადამწყვეტია ის რისი სჯერა ხალხს

რას ფიქრობს IRI-ს კვლევებზე, რა პროგნოზები აქვს ბიძინა ივანიშვილის კოალიცია "ქართული ოცნების" მიერ დაანონსებულ აქციებზე და შესაძლოა თუ არა, საარჩევნო კამპანიის დაწყების მოტივით გამართული თავყრილობა უმართავ პროცესებში გადაიზარდოს? შედგება თუ არა ივანიშვილ-ბურჯანაძის თანამშრომლობა არჩევნებამდე, ამ და სხვა მნიშვნელოვან პოლიტიკურ პროცესებზე Prime Time News-ი ექსპერტ რამაზ საყვარელიძეს ესაუბრა.

ფრანსუა ოლანდის თვითმფრინავს მეხი დაეცა

საფრანგეთის ახალ პრეზიდენტს პირველივე ოფიციალური შეხვედრა ჩაშლის პირას იყო. BBC-ს ინფორმაციით, ფრანსუა ოლანდის თვითმფრინავს მეხი დაეცა. შემთხვევა მაშინ მოხდა, როდესაც ინაუგურაციის შემდეგ ოლანდი გერმანიაში ანგელა მერკელთან ოფიციალურ შეხვედრაზე მიემგზავრებოდა.

მიუხედავად იმისა, რომ თვითმფრინავში არავინ დაშავებულა უსაფრთხოების მიზნით მათ პარიზში დაბრუნება მოუხდათ.

ფრანსუა ოლანდის ინაუგურაცია ელისეის სასახლეში 15 მაისს გაიმართა. ბოლო 20 წლის მანძილზე ის ქვეყნის პირველი სოციალისტი პრეზიდენტია.

"ქართული ოცნების" საარჩევნო ნომერი 7 იქნება

ბიძინა ივანიშვილის კოალიცია "ქართული ოცნება" საპარლამენტო არჩევნებში 7 ნომრით მიიღებს მონაწილეობას. ამის შესახებ ცნობილი ჭადრაკის სასახლეში აქტივისტებთან კოალიციის ლიდერების შეხვედრისას გახდა ცნობილი.

რამდენიმე დღის წინ ბიძინა ივანიშვილის კოალიცის ერთ-ერთმა ლიდერმა ზვიად ძიძიგურმა მხარდამჭერებთან შეხვედრა გამართა, სადაც აქტივისტებმა დავალებაც მიიღეს, რომ თითოეულმა მათგანმა მინიმუმ 7 ადამიანი უნდა ჩართოს 27 მაისს აქციების პროცესში.

"აუცილებელი არ არის 7, შეგიძლიათ 17, 27, 37. ამდენ შვიდიანებს შემთხვევით არ ვახსენებ, სწორედ ეს იქნება ჩვენი საარჩევნო ნომერი", - განუცხადა მხარდამჭერებს ძიძიგურმა.