დაახლოებით 7 თვის წინ, ბიძინა ივანიშვილის პოლიტიკაში გამოჩენიდან მალევე, გამოვაქვეყნე სტატია „ცუგცვანგის პირას" – http://solomonternaleli.wordpress.com/2011/10/12, რომელიც დღემდე ყველაზე პოპულარულ სტატიად რჩება თქვენი მონა-მორჩილის ბლოგზე. სტატიაში ვწერდი, რომ იმ მომენტისათვის ორივე დაპირისპირებული მხარე ცუგცვანგის სიტუაციაში აღმოჩნდა, ნებისმიერი სვლა უფრო წამგებიანი შეიძლებოდა ყოფილიყო, ვიდრე, გარკვეულწილად – უმოქმედობა. დრომ დაადასტურა, რომ მართალი აღმოვჩნდი და მოიგო იმ ოპონენტმა, რომელმაც უფრო მშვიდი, გაწონასწორებული და შეიძლება ითქვას, ერთი შეხედვით, გარეგნულად ნაკლებეფექტურიც კი, კამპანია აწარმოა.

ხელისუფლებამ ახალი ინიციატივა გაახმოვანა. კერძოდ, სტუდენტებითვის მართვის მოწმობის აღება იაფდება. შესაბამისი ცვლილება „საჯარო სამართლის იურიდიული პირის - საქართველოს შინაგან საქმეთა სამინისტროს მომსახურების სააგენტოს მიერ გაწეული მომსახურებებისათვის დაწესებული საფასურისა და ვადების შესახებ" კანონში შედის. თუ სტუდენტები პირველ ჯერზე ჩააბარებენ გამოცდას, მათთვის საფასური როგორც გამოცდაზე, ისე მართვის მოწმობისთვის, მხოლოდ 15 ლარი იქნება. ცნობისათვის, დღეს იგივე პროცედურა რიგით მოქალაქეს, 55 ლარი უჯდება - 40 ლარი გამოცდაზე დაშვებისთვის, 15 ლარი კი მართვის მოწმობის მისაღებად.