ვირჯინიის შტატში  ამერიკის შეერთებული შტატების სამხედრო-საზღვაო ძალების თვითმფრინავი F18 Superhornet – ჩამოვარდა და საცხოვრებელ სახლს დაეცა.  შემთხვევის შედეგად დაშავდა, სულ მცირე 6 ადამიანი. მათ პირველადი სამედიცინო დახმარება აღმოუჩინეს და საავადმყოფოში გადაიყვანეს.

ადგილობრივი მეხანძრეები ხანძარს ამ წუთებამდე აქრობენ, სამი ადამიანი  დაკარგულად ითვლება.

ოფიციალური ინფორმაციით დასტურდება, რომ  მფრინავებმა, რომლებიც საწვრთნელ ფრენას ახორციელებდნენ ავარიამდე საბრძოლო თვითმფრინავიდან კატაპულტირება მოასწრეს.  დასახლებასთან სადაც თვითმფრინავი ჩამოვარდა, რამდენიმე სამხედრო ბაზაა განთავსებული.

წინასწარი მონაცემებით ავარიის მიზეზი, ტექნიკური გაუმართაობა გახდა.