საქართველოს პარლამენტში სამთავრობო საათი გაიმართა, რომელზეც მოწვეული ხუთი მინისტრიდან ოთხი - ხათუნა კალმახელიძე, ნიკა რურუა, დიმიტრი შაშკინი და ვანო მერაბიშვილი მივიდა. კიდევ ერთი მინისტრი, რომელიც ოპოზიციამ სამთავრობო საათზე დაიბარა და რომელიც იქ არ მივიდა, იუსტიციის მინისტრი, ზურაბ ადეიშვილი იყო. არადა ყველაზე მეტად ოპოზიცია სწორედ ადეიშვილისა და მერაბიშვილის მისვლას ითხოვდა.