განათლების სისტემა ორიენტირებული უნდა იყოს მომავალი თაობის პატრიოტული სულისკვეთებით აღზრდაზე, - განაცხადა ბიძინა ივანიშვილმა პოლიტიკური პარტია "ქართული ოცნება - დემოკრატიული საქართველოს" სადამფუძნებლო ყრილობაზე სიტყვით გამოსვლისას.

პოლიტიკური კოალიცია "ქართული ოცნების" ლიდერის ბიძინა ივანიშვილის განცხადებით, "პარტიის დამფუძნებულ ყრილობამდე ის უწმინდესთან იმყოფებოდა, რომელმაც მას საჩუქრად ხის ჯვარი და წმინდა გიორგის ხატი გადასცა".

ვინ ინახავს ქვეყანას? 2011 წელს საქართველოში უცხოეთიდან შემოსული ფულადი გზავნილების ოდენობა რეკორდული იყო და მილიარდ 268 მილიონი დოლარი შეადგინა. კვლევები აჩვენებს, რომ საქართველოში ყოველი მეოთხე ოჯახიდან ერთი წევრი მაინც არის უცხოეთში სარჩო-საბადებლის საძებნელად წასული, ამის მიზეზი კი საქართველოში არსებული დუხჭირი ეკონომიკური ყოფა და გაუსაძლისი სოციალური მდგომარეობაა.

ფრაქცია „ერთობა სამართლიანობისთვის" ერთ-ერთი ლიდერი, დიმიტრი ლორთქიფანიძე არ გამორიცხავს სამომავლოდ ახალ პოლიტიკურ ძალას „ქართული ოცნება - დემოკრატიული საქართველოს"- სთან შეერთებას. ამის შესახებ ფრაქციის ლიდერმა დიმიტრი ლორთქიფანიძემ pressage.tv სთან საუბარში განაცხადა. მისი თქმით, ამის შესახებ საზოგადოებას და მედიას კონკრეტული გადაწყვეტილების მიღების შემთხვევაში პრესკონფერენციის საშუალებით გააგებინებს.