P.S. "კვირის პალიტრაში" სტატია წავიკითხე ახლა და იმედის უკანასკნელი ნაპერწკალიც ჩამიქრა, რომ ამათგან რამე გამოდნება - არც ნამუსზე აგდება შველით და არც ქება: "ეს კანონი კი არა, საშვილიშვილო წყევლაა!!!" - ასე ჰქვია სტატიას. არც ადგილი გვაქვს და აღარც ნერვები, რომ ყველაფერს მოგიყვეთ, მხოლოდ ამას ვიტყვი: 49-წლიანი (ზოგს 99-წლიანი) იჯარით გადაცემული ტყეების უცხოელ მოიჯარადეებს (ფაქტობრივად - პატრონებს, რადგან 49 წლის კი არა, 20 წლის მერეც მერე მანდ აღარაფერი დარჩება), ეტყობა, პრეტენზიები გაუჩნდათ: ტყე კი მოგვეცით, მაგრამ გარემოდაცვითი კანონებით მაინც ხელფეხშეკრული ვართო და თუ რამეს არ შეცვლით, ეს თქვენი ტყე ერთ ადგილას...
ჰოდა მიიღეს: კანონი ანუ ჩამონათვალი, თუ რა დარღვევა ეპატიება პირს, თუ წინასწარ(!) გადაიხდის კომპენსაციას!!!

P.P.S. ერთს დავამატებ: არ მჯერა, რომ ამ კანონის მიმღები თავის მოქალაქეებზე ფიქრობს, საქართველოში, მალაიზიაში თუ მარსზე... ამიტომ, ის ქალბატონები, ალბათ, მალაიზიურმა კანონმდებლობამ შეიწყალა და ჩემი მადლობა ხელისუფლებისადმი, უკან მიმაქვს.

"პროვოკატორი"
ჟურნალი "გზა"