უწმინდესმა და უნეტარესმა, სრულიად საქართველოს კათოლიკოს-პატრიარქმა ილია მეორემ 24 ივნისი ახალგაზრდობის დღედ დააწესა. აღნიშნულ ფაქტთან დაკავშირებით, „ქართული ოცნების" ახალგაზრდულმა ფრთამ სამების ტაძრამდე ფეხით მსვლელობა მოაწყო. სამების ტაძარში მიმდინარე საკვირაო წირვა-ლოცვას კოალიციის ლიდერი ბიძინა ივანიშვილი და ბერა ივანიშვილი დაესწრნენ.

„შესაძლოა ლაზიკის რომელიმე სამშენებლო ტრესტი აღმონდეს ივანიშვილის ურეკის რეზიდენციაში"

2012-06-25 09:45:20

ლალი ზირაქიშვილი

„ნაციონალური მოძრაობა" მთავარი პოლიტიკური ოპონენტის, ბიძინა ივანიშვილის დევნას აგრძელებს, ეძებენ კომპანიებსა და ქონებას, სადაც ბიძინა ივანიშვილის სახელი ფიგურირებს. ამავდროულად, რამდენიმე დღეა, კოალიცია „ქართული ოცნებაში" შემავალი პოლიტიკური სუბიექტების, რესპუბლიკელებისა და თავისუფალი დემოკრატების დაპირისპირებაზე სხვადასხვა მედიასაშუალებებით ვრცელდება ინფორმაცია. თუმცა კითხვებს, რაც ხელისუფლებისა თუ მედიის მსჯელობის საგანი გახდა, თავად კოალიციის ლიდერმა უპასუხა. ქართულ პოლიტიკაში მიმდინარე პროცესების შეფასება ექსპერტ სოსო ცისკარიშვილს ვთხოვეთ.