თბილისის საქალაქო სასამართლოს გადაწყვეტილებით ბიძინა ივანიშვილი 126 220 190 ლარით დაჯარიმდა. ივანიშვილმა ჯარიმა 7 დღის ვადაში უნდა გადაიხადოს. ეს გადაწყვეტილება საქალაქო სასამართლოში კონტროლის პალატის ადმინისტრაციულ სამართალდარღვევათა ოქმის განხილვის შემდეგ მოსამართლემ გიორგი გოცირიძემ მიიღო . კონტროლის პალატის ინფორმაციით, საქმე ეხება ბიძინა ივანიშვილის მხრიდან "გლობალ კონსალტინგ გრუპის" რესურსის გამოყენებით, საარჩევნო მიზნებისთვის ათეულობით ათასი სატელიტური ანტენების მოსახლეობისთვის უსასყიდლოდ და მასობრივად დარიგების ფაქტებს, რომელიც მონიტორინგის სამსახურმა გამოავლინა.

"თელასი არ მიყიდია, მაგრამ არ ვმალავ და პირდაპირ ვაცხადებ, რომ ნამდვილად მაქვს მისი ყიდვის სურვილი", - ამის შესახებ კოალიცია "ქართული ოცნების" ლიდერი ბიძინა ივანიშვილი გაზეთ "ასავალ-დასავალთან" ინტერვიუში აცხადებს.

მისივე განმარტებით, იმის მიუხედავად, კომპანიას შეიძენს თუ არა, ხელისუფლებაში მოსვლის შემთხვევაში ელექტროენერგიის და გაზის გადასახადს აუცილებლად შეამცირებს.