ნაციონალური მოძრაობა ზუგდიდის რაიონში მაჟორიტარ კანდიდატად როლანდ ახალაიას კანდიდატურის დაყენებას გეგმავს.

ბიძინა ივანიშვილმა რამდენიმე დღის წინ დაკისრებულ ჯარიმებთან დაკავშირებით პირველი კომენტარი, ექკლუზიურად "გურია ნიუსთან გააკეთა". ივანიშვილი ამბობს, რომ მილიონებს არ გადაიხდის:

_ თანხის გადახდას, რა თქმა უნდა, არ ვაპირებ, რამდენადაც ეს უკვე აბსურდია. თქვენ უნდა ნახოთ სასამართლოსა და ადვოკატების საუბრის ჩანაწერები _ ეს არის ყველაზე საინტერესო. სასამართლო დავიდა "რეალტივის", "რუსთავი 2"-ის, "იმედის" თუ გინდ პირველი არხის დონეზე. როგორც ისინი ჭორაობენ, ისე ხდება სასამართლოშიც.

ბიძინა ივანიშვილი მზადაა, „სახალხო კრების" ცნობილი სახეების - ნონა გაფრინდაშვილის, ლუკა კურტანიძის, სოსო ჯაჭვლიანის სანაცვლოდ, „ქართულმა ოცნებამ" საკუთარი მაჟორიტარობის კანდიდატები მოხსნას რეგიონებში და ამ ადამიანებს არჩევნებში წარმატების მისაღწევად დაეხმაროს.