ვაშლოვანის ეროვნულ პარკში ხანძრის შედეგად 1000 ჰექტარზე მეტი ტერიტორია დაიწვა. ხანძარი უკვე ლიკვიდირებულია. ცეცხლი ვაშლოვანის პარკში გუშინ, დღის მეორე ნახევარში გაჩნდა. არსებული ინფორმაციით, ხანძარს გადაურჩა უნიკალური ჯიშები, რადგან ცეცხლი ძირითადად ბუჩქებსა და ბალახებზე იყო გავრცელებული. ხანძრის შედეგად დამწვარია ტერიტორიაზე მდებარე მეცხვარეების საზამთრო ფერმაც, რომელიც ამ დროისთვის არ ფუნქციონირებდა.
ხანძრის ჩაქრობაში საგანგებო სიტუაციების მართვის დეპარტამენტთან ერთად, შინაგან საქმეთა და თავდაცვის სამინისტროების ქვედანაყოფები მონაწილეობდნენ.
ცეცხლის გაჩენის მიზეზი უცნობია.

იხილეთ ვიდეო: ვაშლოვანის ნაკრძალში გაჩენილმა ხანძარმა 1000 ჰექტრამდე ტერიტორია მოიცვა