მაშველებმა უშბაზე დაკარგული უკრაინელი ალპინისტების ცხედრები იპოვეს. გარდაცვლილი მთამსვლელები 15-კაციანმა სამაშველო ჯგუფმა 3, 500 მეტრის სიმაღლეზე აღმოაჩინა. ამ დროისთვის მაშველები ცხედრების ამოყვანას ცდილობენ, თუმცა მუშაობას მეტეოროლოგიური პირობები ართულებს.

ორი უკრაინელი ალპინისტის კლდიდან მოწყვეტის შესახებ მესტიაში ადგილობრივ მთამსვლელებს გუშინ დილით შეატყობინეს.

არსებული ინფორმაციით, უბედური შემთხვევა მწვერვალიდან დაშვების დროს მოხდა. ერთ-ერთი მთამსვლელის, ჟენია ტარანიკის ინფორმაციით, დაშვებისას, 3,600 მეტრის სიმაღლეზე, მის ძმას, საშა ტარანიკს და დიმა ვოლოშინს დამცავი ბაგირი გაუწყდათ და ხევში გადაიჩეხნენ.

უკრაინელი ალპინისტები უშბის დასალაშქრად საქართველოში 13 ივლისს ჩამოვიდნენ.