თუშეთში, სოფელ ომალოში, არქეოლოგიური გათხრების შედეგად, მეოთხე-მეექვსე საუკუნით დათარიღებული ბრინჯაოს ხანის ნივთები აღმოაჩინეს. არქეოლოგიურ გათხრებს ერთი კვირის განმავლობაში ილიას უნივერსიტეტის კომპლექსური ექსპედიცია აწარმოებს. მათ მიერ ოთხი სამაროვანი გაიხსნა, სადაც რკინის საბრძოლო იარაღები, ბრინჯაოს სამკაულები, სხვა სამეურნეო ნივთები და ბრინჯაოსგან დამზადებული ცხვრის ფიგურები აღმოჩნდა.

ამ აღმოჩენების შემდეგ ექსპერტები თუშეთში სერიოზული არქეოლოგიური გათხრების დაწყებას ფიქრობენ. ექსპედიციაში ილიას უნივერსიტეტის პროფესორ-მასწავლებლებთან და სტუდენტებთან ერთად ჩეხი სტუდენტებიც მონაწილეობენ.

ექსპედიციის წევრები თბილისში უახლოეს დღეებში დაბრუნდებიან და აღმოჩენილი ეთნოგრაფიული მასალის შესწავლას ლაბორატორიულად და კომპლექსურად გააგრძელებენ.