გაზეთი "ბათუმელები" ბეშუმში "ქართული ოცნებისა" და "ნაციონალური მოძრაობის" მომხრეებს შორის შეხლა-შემოხლის შესახებ იუწყება.
გაზეთის ცნობით, ბეშუმში ბიძინა ივანიშვილს, რომელიც ადგილობრივებისთვის დღესასწაულის მისალოცად ჩავიდა, "ნაციონალური მოძრაობის" წევრები სცენასთან არ უშვებენ. მათ ალყაში მოაქციეს "ქართული ოცნების" მომხრეები და შეხლა-შემოხლა მიმდინარეობს.

მეტი საქმე არ მაქვს, ჩვენი აშენებული ქვეყანა თქვენ გადმოგაბაროთ და დაგანგრევინოთ, - ამის შესახებ პრეზიდენტმა მიხეილ სააკაშვილმა დღეს ზემო აჭარაში, ბეშუმობის დღესასწაულზე სიტყვით გამოსვლისას, "წარსულის პოლიტიკოსებზე" საუბრისას განაცხადა.

მისივე თქმით, ყოველთვის არსებობენ წარსულის პოლიტიკოსები, რომლებიც აცხადებენ, რომ ძველი დრო სჯობდა.