2008 წლის 11 აგვისტოს, სოფელ შინდისში ქართველ ჯარისკაცთა 17-კაციანი რაზმი რუსულ კოლონას გადააწყდა, რომელიც რაოდენობრივად რამდენჯერმე აღემატებოდა.
ქართველ ჯარისკაცებსა და რუს სამხედროებს შორის რამდენიმე საათიანი უთანასწორო ბრძოლა გაიმართა. ქართველებმა რუსებს დიდი დანაკარგი მიაყენეს. ბრძოლის ბოლოს, როდესაც ცოცხალი მხოლოდ 2 ქართველი ჯარისკაცი იყო, მათ ტყვედ ჩავარდნას თავის აფეთქება არჩიეს.

"რაც არ უნდა იოცნებონ კრემლში და მათმა ადგილობრივმა დამქაშებმა საქართველოში, საბჭოთა კავშირი არ აღდგება. ქართველ ხალხს კრემლის ოცნებების გვერდის ავლით განვითარების სხვა გეგმები გააჩნია" , - ეს განცხადება საქართველოს პრეზიდენტმა, მიხეილ სააკაშვილმა გორის სამხედრო აკადემიაში სიტყვით გამოსვლისას გააკეთა.