ჩვენ რუსეთთან ურთიერთობებს სახალხო დიპლომატიით დავიბრუნებთ, - ამის შესახებ საქართველოს პრეზიდენტმა მიხეილ სააკაშვილმა დღეს ხონის რაიონში, სოფელ გორდში მოსახლეობის წინაშე სიტყვით გამოსვლისას განაცხადა .
პრეზიდენტის თქმით, საქართველოში ბევრი რუსი ტურისტი ჩამოდის და გაოცებული აკვირდება იმ აღმშენებლობის პროცესს, რაც ქვეყანაში მიმდინარეობს.

"ნაციონალური მოძრაობის" წინასაარჩევნო კამპანიაში ქართველი მომღერლებიც ჩაერთნენ. ნინო ჩხეიძემ, ანრი ჯოხაძემ, ნინი ბადურაშვილმა, ეკა კახიანმა, ლელა წურწუმიამ, ჯგუფმა "სეიშენმა" და სხვა ცნობილმა მომღერლებმა უკვე გამართეს კონცერტები სურამში, ბაკურიანსა და სხვა რეგიონებში. წინასაარჩევნოდ ქვეყნის მასშტაბით უფასო კონცერტების გამართვა არავის უკვირს, მაგრამ წლევანდელ კონცერტებზე მომღერლები საჯაროდ გამოხატავენ თავიანთ სიმპათიას მმართველი პარტიის მიმართ და არც ამა თუ იმ რეგიონის გუბერნატორებს უკარგავენ "ხალხისთვის გაწეულ შრომას". "ნაციონალური მოძრაობის" მაისურებს კი სცენიდანაც ისვრიან და ხალხშიც არიგებენ.