ხაშურში, მდინარე შოლის სანაპიროზე მცხოვრებ მოსახლეობას, მდინარის დაბინძურებული კალაპოტის გამო პრობლემები აქვს. ადგილობრივების თქმით, მდინარის კალაპოტი ნაგვისა და ქვეწარმავლების ბუდედაა ქცეული. არის შემთხვევები, როდესაც ქვეწარმავლები მაცხოვრებლების სახლებში შედის. მდინარის ჯებირები ასამაღლებელია და უხვი ნალექის მოსვლის შემთხვევაში, მდინარიდან გადმოსული წყალი ეზოებს ტბორავს. სამი თვის წინ, შოლის სანაპიროს მცხოვრებლებმა ადგილობრივ ხელისუფლებას განცხადებით მიმართეს, რომელსაც 150 მოსახლე აწერდა ხელს. თუმცა, როგორც თავად ამბობენ, განცხადებისთვის ყურადღება არავის მიუქცევია.

ზუგდიდში, კოალიცია „ქართული ოცნების“ ერთ-ერთი ლიდერი, ირაკლი ალასანია, მოსახლეობას შეხვდა და ადგილობრივებს „ქართული ოცნების“ სამოქმედო გეგმა გააცნო. შეხვედრას „ნაციონალური მოძრაობის“ წარმომადგენლები ესწრებოდნენ. მათ შორის, ზუგდიდის საკრებულოს ადმინისტრაციის უფროსი, თემურ ბასილაია. შეხვედრაზე მყოფი მოსახლეობის თხოვნა, პროვოკაციაზე არ წასულიყვნენ და დაეტოვებინათ ტერიტორია, „ნაციონალებს“ არ გაუთვალისწინებიათ.
ჩვენი გადამღები ჯგუფი საკრებულოს ადმინისტრაციის უფროსსა და მის თანმხლებ პირებთან მაშინ მივიდა, როდესაც აქციიდან წასულებს ავტომანქანა გაუფუჭდათ. ჟურნალისტების გამოჩენით გაღიაზიანებულებმა, კამერის გამორთვა მოგვთხოვეს და სიტყვიერ და ფიზიკურ შეურაცხყოფაზე გადავიდნენ.
ირაკლი ალასანიას ზუგდიდის მოსახლეობასთან შეხვედრას, დემოკრატიული გახსნილობის კომიტეტის უცხოელი დამკვირვებლები ესწრებოდნენ.

დილის 6 საათსა და 40 წუთზე ზუგდიდის საავადმყოფოში ოჯახის წევრებმა ანაკლიიის პოლიციის განყოფილებიდან წამოყვანილი 22 წლის გიორგი ქავთარაძე მიიყვანეს. გიორგის დედა, მადონა თათარიშვილი აცხადებს, რომ მისი შვილი პოლიციელებმა სცემეს. შემთხვევა ანაკლიის სანაპიროზე მოხდა. მეგობრებთან ერთად ნასვამ მდგომარეობაში მყოფი გიორგი პოლიციელებმა წვრილმან ხულიგნობაში დაადანაშაულეს და ჯერ ცემეს, შემდეგ კი განყოფილებაში წაიყვანეს. დედის ინფორმაციით, ცემის შედეგად გიორგი ქავთარაძეს მეტყველების უნარი წაერთვა.გიორგი ქავთარაძე ანაკლიის ქვეგანყოფილებიდან დილის 6 საათზე გამოიყვანეს და სასწრაფო დახმარების მანქანით საავადმყოფოში გადაიყვანეს. ჟურნალისტების გამოჩენისას, საავადმყოფოს დაცვის თანამშრომლები, კარების დაკეტვას შეეცადნენ. მიუხედავად ავადმყოფის სურვილისა, მას ჟურნალისტებთან გასაუბრების საშუალება არ მისცეს. „ინფო9“-მ საავადმყოფოს აღრიცხვის ჟურნალში ჩანაწერის ჩვენება მორიგე ექიმს მოსთხოვა და დააფიქსირა, რომ პაციენტი ნამდვილად დილით მიიღეს. მორიგე ექიმის განცხადებით, პაციენტს მსუბუქი ტრამვული დაზიანებები აღენიშნება. რაც შეეხება იმას, თუ რატომ აქვს მტყველების უნარი წართმეული, ამ კითხვაზე ექიმმა არ გვიპასუხა.დაზარალებულის დედა ახლად დანიშნული შსს მინისტრისგან ფაქტის გამოძიებას და დამნაშავე პოლიციელების სათანადოდ დასჯას ითხოვს.

სამეგრელოში, დაბა ჯვარში ე.წ. კერძო დასახლებაში არსებული ვითარება საგანგაშოა. კედლები ნახევრად ჩამოშლილია, სახურავი დაზიანებული, დატბორილია სარდაფები და მოშლილია საკანალიზაციო მილები. როგორც მოსახლეობის ნაწილმა „ინფო9“–სთან საუბარში აღნიშნა, ბოლოს კორპუსებზე გადახურვითი სამუშაოები 2000 წელს შესრულდა და დღემდე მათთვის ყურადღება არავის მიუქცევია. დასახლება, დევნილთა უმრავლესობამ დატოვა და თავი ნათესავების ოჯახებს შეაფარა. არსებულ პრობლემაზე „ინფო9“–სთან საუბარში წალენჯიხის მუნიციპალიტეტის გამგებელმა მამუკა ქარდავამ განაცხადა, რომ მიმდინარეობს ხარჯთაღრიცხვა და უახლოეს მომავალში სარესტავრაციო სამუშაოები დაიწყება.

ხაშურის რაიონის „ქართული ოცნების“ ოფისში ბიზნესმენი და ხაშურის ყოფილი მაჟორიტარი დეპუტატი ვალერი გელაშვილი კოალიცია „ქართული ოცნების“ წევრებს შეხვდა. როგორც „ინფო 9“- სთან საუბრისას გელაშვილმა აღნიშნა, იგი სავარაუდოდ კენჭისყრას აპირებს, თუმცა საბოლოო გადაწყვეტილება 15 ივლისს გორში გამართულ აქციაზე გახდება ცნობილი.

სულ ონლაინში: 5
სტუმარი: 4
მომხმარებელი: 1
ლონდა

მერე არ დაიწყოთ სად ხარ ლონდა, საიტი კვდება და ა.შ

საათზე მეტია ვდებ თემებს, ვიდეოებს და არავინ შემოდიხართ. აბა ჰე, კარგად

მომბეზრდასავით მარტო ჯდომა და ინფორმაციების დადება როცა ბევრნი იქნებით მაშინ შემოვიხედები

ლონდა გამარჯობა. როგორ ხარ?


ეს პირველი ვიდეო რომ არის, ხაჩიძის ბებია რომ ლაპარაკობს, რა არის რა... ხალხს არ შეუძლიათ რომ პლასტიკატის ბოთლები წყალში არ ყარონ?

ლონდა, მე სტუმრებში არ ვჯდარვარ. შემოვედი და ვიდეოებს ვუყურებდი.

ძლივს მომეცა ამის საშუალება კარგი ინტერნეტის წყალობით.

პრივეტ ხალხებო

გამარჯობა მიხო.

ლონდა გაბრაზულა და გაქცუნებულა

მიხო შენ ისეთ სიმღერებს დებ რომ გაბრაზების სტიმული დაეკარგება ადამიანს.