თბილისის საქალაქო სასამართლომ საქართველოს განვითარების კვლევითი ინსტიტუტის საბანკო ანგარიშები დააყადაღა , - ამის შესახებ "ინტერპრესნიუსს" ინსტიტუტის ხელმძღვანელმა თეონა აქუბარდიამ განუცხადა.
მისივე თქმით, "პროგრესბანკში" ინსტიტუტის ანგარიშები განმარტების გარეშე დაუყადაღეს.

"არანაირი განმარტება არ მიმიღია და დაყადაღების მიზეზს არ მეუბნებიან. ბანკში შევიტყვე, რომ საქალაქო სასამართლომ დააყადაღა ანგარიშები", - განაცხადა თეონა აქუბარდიამ.
მისი თქმით, ყადაღასთან დაკავშირებულ დეტალებზე ხვალ, პრესკონფერენციაზე ისაუბრებს.