საქართველოს ახალი მთავრობის შემადგენლობა უკვე ცნობილია. შინაგან საქმეთა მინისტრის თანამდებობაზე წარდგენილია ბაჩო ახალაია; თავდაცვის მინისტრის პოსტზე - დიმიტრი შაშკინი; განათლების მინისტრის პოსტზე - ხატია დეკანოიძე, რომელიც გამოცდების ეროვნული ცენტრის ხელმძღვანელად ცოტა ხნის წინ დაინიშნა. მინისტრთა კაბინეტის ახალი შემადგენლობა საქართველოს პრეზიდენტმა პარლამენტს უკვე გადაუგზავნა.

ცვლილებები შეეხო ლტოლვილთა და განსახლების სამინისტროს, კობა სუბელიანს შეცვლის დალი ხომერიკი, რომელიც აფხაზეთის ლეგიტიმურ მთავრობაში განათლებისა და კულტურის მინისტრად მუშაობდა.  ამის შესახებ განცხადება ცოტა ხნის წინ პრეზიდენტის პრესსპიკერმა, მანანა მანჯგალაძემ გააკეთა. 

როგორც მანანა მანჯგალაძემ აღნიშნა, მთავრობის შემადგენლობასთან ერთად, პარლამენტს წარედგინა მთავრობის ახალი პროგრამაც, პროგრამა სამ ძირითად პრიოროტიტეს მოიცავს - დასაქმება, სოფლის მეურნეობა და ჯანდაცვის სფერო.

იხილეთ ვიდეო