| online |
 სულ ონლაინში: 1 სტუმარი: 1 მომხმარებელი: 0
|
|
|
მთავარი » 2012 » ივლისი » 24 » ნინა ხატისკაცი თანამდებობიდან გაათავისუფლეს
02:36 ნინა ხატისკაცი თანამდებობიდან გაათავისუფლეს |
„საერთაშორისო გამჭვირვალობა – საქართველოს" პროგრამების დირექტორი ნინა ხატისკაცი, რომელიც ორგანიზაციის ეგიდით საარჩევნო პროცესების მონიტორინგის პროექტს ხელმძღვანელობდა, თანამდებობიდან გაათავისუფლეს. როგორც მან კახეთის საინფორმაციო ცენტრს განუცხადა, აქამდე არც გაფრთხილება და არც საყვედური არ მიუღია.
"დღემდე პირნათლად ვასრულებდი ჩემს სამუშაოს და არანაირი დარღვევა, არანაირი გადაცდომა არ მქონია. პროექტები მქონდა და ვახორციელებდი. ეს არის აღმასრულებელი დირექტორის ეკა გიგაურის და გამგეობის თავმჯდომარის მარკ მალენის გადაწყვეტილება, რომ აღმასრულებელ დირექტორს ჩემთან ჰქონდა კონკრეტულ საკითხებზე შეუთანხმებლობა", - განაცხადა ხატისკაცმა.
ჟურნალისტის კითხვაზე, ხომ არ უკავშირდებოდა გათავისუფლება მის მიერ ხელისუფლების მისამართით გაკეთებულ კრიტიკულ განცხადებებს, ხატისკაცმა უპასუხა, რომ არ იცის.
"ვერაფერს გეტყვით იმიტომ, რომ რეალურად ამაზე ლაპარაკი არასდროს გვქონია. არასდროს უკმაყოფილება ან შენიშვნა ჩემს საქმიანობასთან დაკავშირებით არ ყოფილა", – განუცხადა ნინა ხატისკაცმა კახეთის საინფორმაციო ცენტრს.
|
|
ნანახია: 934 |
დაამატა: ეფემია
|
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] |
|
|
|
Tbilisi Time