"ნაციონალებს” არა მხოლოდ ცუდი პოლიტიკური ამინდი დაუდგათ, პირად ცხოვრებაშიც გაუავდრდათ. სააკაშვილის ლომები გავლენას არა მხოლოდ  თანამდებობეზე,  არამედ ოჯახშიც კარგავენ. პოლიტიკურ წრეებში უკვე ღიად საუბრობენ, რომ ქალაქის მერი გიგი უგულავა გაყრის პირასაა. ლელა კილაძისა და უგულავას შორის "შავი კატის” სახით კილაძის ძველმა მეგობარმა დავით მიქაძემ გაიარაო. იმასაც ამბობენ, რომ ეს ამბავი კარგა ხანს არ გასკდებოდა, რომ არა თაკო სალაყაიასა და ლელა კილაძის ახლო მეგობრობა. დაქალები ახალახან პარიზში ყოფილან ერთად და დედაქალაქის მერსა და მის მეუღლეს შორის განხეთქილების შესახებ ხმებმაც სალაყაიას გარემოცვიდან ამის შემდეგ გამოჟონა.

"დავით მიქაძე, მეტსახელად "ვერელი” ერთი ჩვეულებრივი თბილისელი ბიჭია. რამდენიმე წლის წინ ბენდუქიძის აუზზე შეხლა-შემოხლა მოუვიდა დაცვის წევრთან და "ნაციონალებთან” დაპირისპირების გამო საქართველოდან წავიდა. სამშობლოში მხოლოდ ოქტომბრის არჩევნების შემდეგ დაბრუნდა. სანამ ლელა კილაძე უგულავასი გახდებოდა, მიქაძესთან მეგობრობდა. ეტყობა, ძველმა გრძნობებმა გაიღვიძა. ყოფილი შეყვარებულები ისევ ერთად უნახავთ, ორიოდე თვის წინ, 2012 წლის დეკემბერში გუდაურში მერაბიშვილის ცოლი და ლელა კილაძე იმავე სასტუმროში უნახავთ, სადაც დავით მიქაძეც ისვენებდა.  კილაძისა და მიქაძის აღდგენილი კონტაქტების შესახებ  თამარ ჩერგოლეიშვილს  მიუტანია ენა დედაქალაქის პირველ პირთან, მხოლოდ სკამი კი არა, მგონი ცოლიც ხელიდან გეცლება, მეგობაროო, წაუსისინებია თამარს”, _ ამბობს წყარო.

იმასაც ამბობენ, რომ 8 თებერვალს ეროვნულ ბიბლიოთეკასთან განვითარებული მივლენებისას  უგულავას ემოციური ქმედების ერთ-ერთი მიზეზი პოლიტიკურთან ერთად გართულებული პირადი ცხოვრებაც,  შესაძლოა, იყოსო. თბილისის მერიაშიც ლაპარაკობენ, რომ უგულავა დეპრესიაშია... კარგა ხანია, მის გვერდით ცოლი აღარ უნახავთ. ტრადიციისამებრ, ლელა კილაძე აღარც მერიაში აკითხავს, მერი კი ახლოგარემოცვის ზარებსაც აღარ პასუხობსო.

როგორ დამთავრდება უგულავასა და კილაძის ურთიერთობა და რა გახდება  ცოლ-ქმრის დაშორების  მიზეზი ამას დრო აჩვენებს, თუმცა ფაქტი სახეზეა, რომ უგულავას გვერდით ლელა კილაძე საჯაროდ აღარ ჩნდება. არადა, როგორც ცნობილია, რამდენიმე წლის წინ მერიის ფონდიდან  ლელა კილაძის პირადი პლასტიკური ოპერაციებისთვის უგულავამ თანხებიც გამოყო, რაც ოფიციალურად დასტურდება. ამ ამბავს მაშინდელი ოპოზიცია  აპროტესტებდა კიდეც. 

პირად ცხოვრებაში ხელმოცარულთა შორის გიგი უგულავა "ნაციონალებში” გამონაკლისი არ არის. უკვე ხმები დადის ყოფილი შინაგან საქმეთა და პრემიერ-მინისტრის, ვანო მერაბიშვილის შესახებ. ხელში ჩაგვივარდა ექსკლუზიური ფოტომასალა, რომელზეც აღბეჭდილია, თუ როგორ ილხენდა "ნაციონალური მოძრაობის” გენერალური მდივანი და საპრეზიდენტო კანდიდატი, ვანო მერაბიშვილი, ახალგაზრდა "ნაციონალებთან” ერთად  რესტორანში.  ახალგაზრდა აქტივისტების  მოსალხენად შეკრების ორგანიზატორი კობა ხაბაზი ყოფილა. ხაბაზი კურირებდა  ახალგაზრდების ჯგუფთან ერთად არასამთავრობო აქტივისტების  ორგანიზაცია "თავისუფალი ზონის” დაარსებას. ეს ორგანიზაცია, ფაქტობრივად, "ნაცმოძრაობის” ახალგაზრდული დანამატია და სახელიც იმიტომ  შეურჩიეს ასეთი, რომ "ნაცმოძრაობის” მიმართ საზოგადოების აგრესია ახალგაზრდებსაც არ შეხებოდა. ამბობენ, რომ მერაბიშვილმა და ხაბაზმა აქტივისტები, გაწეული მხარდაჭერისა და  პოლიციის სამმართველოებთან გამართული აქციების სანაცვლოდ, ასე დაასაჩუქრეს. როგორც ერთ-ერთი ამ ქეიფის თანამონაწილე გვიყვება,  რესტორანში მერაბიშვილის ახალი ფავორიტი,  მაკო გუჯარელიძეც იყო  მიწვეული. მაკო გუჯარელიძე "ნაციონალური მოძრაობის” აქტივისტია. ფოტოსურათებზე  მუდმივად მერაბიშვილის გვერდით ჩანს.  მათ ერთად ხშირად ხედავენ "ნაცმოძრაობის” ცენტრალურ ოფისშიც. მერაბიშვილი-სალაყაიას წრესთან დაახლოებული პირის ცნობით,  მერაბიშვილსა და მის მეუღლეს შორის, დიდი ხანია, აღიმართა აისბერგი. მათ ურთიერთობაში ტემპერატურამ განსაკუთრებით მას შემდეგ დაიწია, რაც თაკო სალაყაიამ   თბილისში რამდენიმეჯერ ფავორიტი დიჯეი რავენი ჩამოიყვანაო.  წარმოშობით ფრანგი დიჯეი, პირველად სალაყაიას მოწვევით ანაკლიაში ჩამოვიდა, შემდეგ ბუდაბარის გახსნაზეც იყო. ეჭვიანობით შეპყრობილმა ყოფილმა შს მინისტრმა  სწორედ ცოლთან უთანხმოების შემდეგ მოუხშირა მაკო გუჯარელიძესთან  ერთად საზოგადოებაში გამოჩენას. 

შევეცადეთ, ლელა კილაძესთან და თაკო სალაყაიასთან გადაგვემოწმებინა ინფორმაციები მათ შესახებ, მაგრამ ისინი, სავარაუდოდ, უცხო სატელეფონო ზარებს არ პასუხობენ.