მგონია, რომ "თავისუფალ დემოკრატებში" ხალხი შეგზავნილია "ნაციონალური მოძრაობიდან", - ამის შესახებ ჟურნალისტებს საქართველოს პრემიერ-მინისტრმა ბიძინა ივანიშვილმა ექსპერტებთან შეხვედრამდე საპარლამენტო უმრავლესობის ლიდერის დავით საგანელიძის განცხადებების კომენტირებისას განუცხადა.

საქართველოს პრემიერ-მინისტრი ბიძინა ივანიშვილი საპარლამენტო უმცირესობის ინიციატივას, რომ ქვეყნის საგარეო კურსის შესახებ ჩანაწერი კონსტიტუციაში გაკეთდეს, სერიოზულად არ აღიქვამს. როგორც ბიძინა ივანიშვილმა ჟურნალისტებს დღეს განუცხადა, "ნაციონალური მოძრაობა" იმდენ სიცრუეს საუბრობს, რომ მაგათ წინადადებებზე სერიოზულად ვერ ილაპარაკებს.

საქართველოს პრეზიდენტი ყოველწლიური ანგარიშით პარლამენტში 8 თებერვალს წარდგება. მიხეილ სააკაშვილის გამოსვლა 14:00 საათზე დაიწყება. ამის შესახებ პარლამენტის საზოგადოებასთან ურთიერთობისა და ინფორმაციის დეპარტამენტის განცხადებაშია ნათქვამი.

ჯანი ბუკიკიო - აუცილებელია, შეიცვალოს კონსტიტუცია

ipn

2013-01-31 18:33:58

არის რიგი მნიშვნელოვანი და გადაუდებელი ცვლილებები, რომლებიც სასწრაფოდ უნდა იქნას მიღებული და მესმის, რომ ეს უნდა გაკეთდეს, რათა პარლამენტმა და მთავრობამ სტაბილურად იმუშაოს", - ამის შესახებ დღეს ვენეციის კომისიის პრეზიდენტმა ჯანი ბუკიკიომ პრემიერ-მინიტრ ბიძინა ივანიშვილთან შეხვედრაზე განაცხადა. მისივე თქმით, კონსტიტუციის შეცვლა აუცილებელია.

"აუცილებელია,  შეიცვალოს კონსტიტუცია, რომ თავიდან იქნას აცილებული და მოხდეს ლიმიტირება სახელმწიფო მეთაურის ძალაუფლებისა, რომელიც აძლევს მას უფლებას, დაითხოვოს მთავრობა და აირჩიოს ახალი მთავრობა პარლამენტის თანხმობის გარეშე", – აღნიშნა ჯანი ბუკიკიომ.

ჯანი ბუკიკიოს ეს განცხადება პრემიერ-მინისტრის პრესსამსახურმა გაავრცელა. ბიძინა ივანიშვილის შეხვედრა ჯანი ბუკიკიოსთან საქართველოს მთავრობის კანცელარიაში გაიმართა. მხარეებმა საკონსტიტუციო ცვლილებებზე ისაუბრეს და შეთანხმდნენ, რომ აუცილებელია კონსტიტუციაში ცვლილებების გატარება.

შეხვედრის დასრულების შემდეგ ჯანი ბუკიკიომ აღნიშნა, რომ საკონსტიტუციო ცვლილებები მნიშვნელოვანია, რათა ქვეყანამ სტაბილურობას მიაღწიოს და სხვადასხვა პოლიტიკურ ძალებს შორის კონსენსუსი შედგეს.