თბილისის მერიაში გიგი უგულავას დაკითხვა დასრულდა. რამდენიმე წუთის წინ თბილისის მერის კაბინეტიდან პროკურორი ნუგზარ სალია და ფინანსთა სამინისტროს საგამოძიებო სამსახურის გამომძიებელი თამარ კუჭავა გამოვიდნენ.
როგორც "ინტერპრესნიუსთან" საუბრისას თამარ კუჭავამ განაცხადა, გიგი უგულავამ დაკითხვის დროს საქმიანად და მშვიდად ისაუბრა, ყველა დასმულ კითხვას უპასუხა, თუმცა გამოძიების ინტერესებიდან გამომდინარე, დაკითხვის დეტალებზე კომენტარს ვერ გააკეთებს.