საქართველო – დაღესტნის საზღვართან, ლოპოტას ხეობაში შს სამინისტროს სპეციალური დანიშნულების რაზმი ისევ შევიდა. როგორც სოფელ ლაფანყურის მაცხოვრებლებმა კახეთის საინფორმაციო ცენტრს აცნობეს, ხეობაში სპეცრაზმელებით სავსე 8 დიდი მანქანა, 15–ზე მეტი პოლიციის პიკაპი და 4 ვერტმფრენი შევიდა.

"ამ ინციდენტზე რუსეთის რეაქცია არის დუმილი. ეს მიანიშნებს, რომ მოსკოვმა იცის, რაც მოხდა, მაგრამ მომხდარის გამო მადლობა რომ არ გადაუხადოს საქართველოს ხელისუფლებას, უბრალოდ, დუმს", - აცხადებს თომას დე ვაალი, კარნეგის ცენტრის ანალიტიკოსი კავკასიის საკითხებში.