გორის სამხედრო ნაწილში გარდაცვლილი ჯარისკაცის, 19 წლის კობა მახარაშვილის დედამ ლალი მახარაშვილმა კახეთის საინფორმაციო ცენტრს ექსკლუზიური ინტერვიუ მისცა. ჯარისკაცის დედის განცხადებით, მისი შვილიც წამებით მოკლეს. „ტანზე რომ გავხადეთ, ვნახეთ ნაცემი იყო, დაჟეჟილობები, ნაკაწრები და ნაკბენები ჰქონდა. კბილები ზედ აღარ ჰქონდა, ჩატეხილი ჰქონდა კონდახით და გაუბედურებული იყო", – ამბობს გარდაცვლილის დედა.