პატიმრების ახლობლებს, რომლებიც გლდანის ციხესთან არიან შეკრებილნი, მოსახლეობა უერთდება. ღამის 12 საათისთვის ციხესთან 200-მდე ავტომობილით ახალგაზრდები მივიდნენ. აქციის მონაწილეები პატიმრებს სოლიდარობას უცხადებენ. პატიმრების წამების ამსახველი კადრების  გავრცელების შემდეგ პატიმრების ახლობლები მე–8 საპყრობილეში მათ სანახავად მივიდნენ, თუმცა რიგების გამო ბევრი შესვლას ვერ ახერხებს. ამ დროისთვის თავის რიგს ასობით ადამიანი ელოდება.

"ნაწამებ პატიმრებს მიყენებული აქვთ ყველაზე უფრო მძიმე ტრავმა, რაც კი შეიძლება ადამიანმა მოიფიქროს"

პატიმრების წამების ამსახველი ვიდეომასალა ირმა ინაშვილმა 2-3 თვის წინ მოიპოვა, - ამის შესახებ "ინტერპრესნიუსს" "საერთო-სახალხო წინააღმდეგობის მოძრაობის" ლიდერმა სოსო მანჯავიძემ განუცხადა. მისი განმარტებით, ირმა ინაშვილს, რომელიც ჟურნალისტურ გამოძიებას აწარმოებდა ლადო ბედუკაძემ და დავით აკობიამ პატიმართა წამების ამსახველი დაარქივებული მასალები გადასცეს.

მეორე დღეა ტელევიზიებით საპატიმროებში პატიმრების წამების შემაძრწუნებელი კადრები ვრცელდება....