ოქროს ტოლპასი ვერცხლი
მეორე დღეა, გორში ადგილობრივი სპორტსმენების წარმატებებს ფოიერვერკებით და მანქანების მსვლელობით აღნიშნავენ. ჯერ იყო და გორის „დილამ“ კვიპროსში მნიშვნელოვანი მატჩი მოიგო, პარასკევს კი გორელები თავისუფალი სტილით მოჭიდავე ვლადიმერ ხინჩეგაშვილმა (55 კგ-მდე წონითი კატეგორია) ოლიმპიური ვერცხლის მედლით გაახარა. „ოქროს ტოლფასი ვერცხლი“ - ასე აფასებენ ლადოს წარმატებას გულშემატკივრები, რომლებიც ფინალური ორთაბრძოლის საყურებლად თეატრის სკვერში შეიკრიბნენ. რამდენიმე ადამიანმა სანთლებიც კი აანთო, მათმა ემოციამ კი პიკს მაშინ მიაღწია, როცა მსაჯებმა ხინჩეგაშვილს ბოლო წამზე გაკეთებული ქულა არ ჩაუთვალეს.

ფინალური ორთაბრძოლა რუსეთის ნაკრების წარმომადგენელთან, ჯამალ ოტარსულტანოვთან მართლაც დაძაბული გამოდგა. რომ არა მსაჯების შეცდომა, რომლის შესახებ ჭიდაობის სპეციალისტები საუბარს არ წყვეტენ, ხინჩეგაშვილ
​​ოქროს მედლის აღების კარგი შანსი ეძლეოდა. ჭიდაობის მწვრთნელი მერაბ მუზიაშვილი ამბობს, რომ ბოლო წამზე ქართველმა სპორტსმენმა 3-ქულიანი გდება გააკეთა, მაგრამ მწვრთნელების პროტესტმა შედეგი ვერ გამოიღო.

მსაჯობით იმედგაცრუებული გორელები მაინც იღიმებოდნენ და აღნიშნავდნენ, რომ 21 წლის მოჭიდავისთვის ვერცხლის მედალიც დიდი წარმატებაა. ძიუდოისტმა ლაშა შავდათუაშვილმა ოქროთი, ვლადიმერ ხინჩეგაშვილმა კი ვერცხლით კიდევ ერთხელ გაუთქვეს მსოფლიოში სახელი პატარა ქალაქს.

ხინჩეგაშვილის გულშემატკივართაგან ერთადერთი ადამიანი, ვინც ფინალურ ბრძოლას არ უყურებდა და განმარტოებით ლოცულობდა, ლადოს დედა ქეთევან ხინჩეგაშვილი იყო. მისი თქმით, ლადო ძალიან შრომისმოყვარეა და წინ არაერთი გამარჯვება ელოდება.

​​ვლადიმერ ხინჩეგაშვილი ჭიდაობაზე 8 წლის ასაკში მიიყვანეს. მამამისი გია ხინჩეგაშვილიც ცნობილი მოჭიდავე იყო და მისი გარდაცვალების შემდეგ მეგობრებმა და მწვრთნელებმა ყურადღება არ მოაკლეს პატარა ლადოს, რომელმაც მათი იმედები გაამართლა. ლადოს და, გვანცა ხინჩეგაშვილიც საქართველოს ჩემპიონია ცურვაში. ქეთევან ხინჩეგაშვილი ამბობს, რომ მის შვილებს სპორტი გენებში აქვთ.

ქეთევან ხინჩეგაშვილს შვილის წარმატება ოლიმპიური ჩემპიონის, ლაშა შავდათუაშვილის მშობლებმა მიულოცეს. ლადოს უბანში კი სუფრა დილამდე იყო გაშლილი, მისი მეგობრები, ახლობლები და მეზობლები ახალგაზრდა მოჭიდავის წარმატებას დიდხანს აღნიშნავდნენ.

ვუერთდები თაკოს მოლოცვას დიდგორელებო!
დაე, ძლევაი საკვირველი კიდევ გამეორებულიყოს ჩვენს მიწაზე, სისხლისღვრის გარეშე რასაკვირველია!

არბიტრმა შენიშვნა მიიღო არასწორი გადაწყვეტილების მიღებისათვის, ხოლო შედეგი იგივე დარჩა
ეს სამართლიანია?
ნუთუ დიდი და მძლავრი ქვეყნის ეფექტმა გადაძლია სამართალს, თუ სხვა რამ მიზეზი იყო კიდევ
როგორც ამბობენ, ქართველმა უკეთესად იჭიდავა.
სამწუხაროა. როცა უსამართლობის წინაშე უძლური ხარ

მეც გილოცავთ! თაკოს მოლოცვა დავდო ზემოთ? პოლიტიკური მუხტი აკლია ლონდას გარეშე საიტს.

კიდევ ერთი ფაქტი იმისა, რომ ჩვენს ხელიუფლებას მარტო ლაპარაკი უყვარს და მეტი არაფერი

ეს არის ქართული სპორტის აღორძინება და მხარდჭერა?
ერთადერთი ჭიდაობის სხვადასხვა სახეობებში გვქონდა შანსი გამარჯვებისა და ამ სპორტსმენებს ინტერესებიც კი არ დაიცვა ხელისუფლებამ.
თუკი მსაჯებმა დააშავეს და თითქოს დაისაჯნენ ამის გამო, რატომ არ იქნა გაპროტესტებული ამ შეხვედრის შედეგი?
მარტო მწვრთნელების პროტესტი არ აღმოჩნდა საკმარისი, ალბათ უფრო ძლიერი ბერკეტები იყო საჭირო და უფრო სერიოზული პროტესტი.
ეს მოუცლელობის და უყურადღებობის გამო მოუვიდათ ალბათ, დღესდღეობით უფრო მნიშვნელოვანი, მათთვის სასიცოცხლო პრობლემების გადაწყვეტით არიან დაკავებული.

როგორც გინდა ფეფე, თუმცა დაგიდია უკვე თემა დიდგორობაზე ქვემოთ და იქაც შეიძლება ამ თემაზე საუბარი!

კარგი არალე. აქ ვწეროთ.

ორივე კარგი სასაუბრო თემებია, ესეც და ქვემოთაც
დიდი მადლობა შენ, რომ ლონდას არყოფნის დროს გვამარაგებ იფორმაციით და საინტერესო თემებით

რისი მადლობა არალე, პირიქით. მიხარია თუ რამეს ვაკეთებ თქვენთვის.

თუ სადმე იქნება მიშას გამოსვლა, დადე ფეფე, ათას მარგალიტს მოვისმენთ, პრეზიდენტის ბაგეთაგან წარმოთქმულს

ცუდია, შაბათ-კვირას საინფორმაციო- ანალიტიკური გადაცემები რომ არ გვაქვს.

არაჩვეულებრივი იყო ბოლო კონსილიუმი.
საკმაოდ ძლიერი გადაცემები გამოსდის მაღლაფერიძეს.

მცირე ხნით დაგტოვებთ

კიდევ და კიდევ გამარჯვება, აქაც და იქაც!!!! მოგესალმებით დიდგორელებო და გილოცავთ დიდგორობას!!!!

დრამატურდია დაგავიწყდა,ჩემო თაკო, მალე თეატრსა და კინოშიც ვიხილავთ, მაგისი გამონათქვამების საფუძველზე შექმნილ სიუჟეტებს