ფრანგი ექსპერტი შიდა უსაფრთხოების საკითხებში, სტეფან კერე ფრანგულ გამოცემას Atlantico-ს საფრანგეთში ქართული კრიმინალური სამყაროს წარმომადგენლების შესახებ ესაუბრა.
კერძოდ, ექსპერტი შეეხო სპეცოპერაციასაც, რომლის დროსაც ფრანგულმა ჟანდარმერიამ ლომოჟსა და პარიზში 21 ქართველი "კანონიერი ქურდი" დააკავა.

როგორც ექსპერტმა აღნიშნა, ბოლო წლების განმავლობაში ქართველი კრიმინალების წინააღმდეგ ევროპის მასშტაბებით არაერთი სპეცოპერაცია ჩატარდა. კერძოდ, 2009 წლის აპრილში ლოზანასა და ციურიხში 26 ადამიანი იყო დაკავებული; 2009 წლის მაისსში ჟენევაში 45 ადამიანი დააკავეს; 2009 წლის ნოემბერში ფრიბურში (შვეიცარია) 8 ადამიანი დააკავეს; 2010 წლის იანვარში 23 ადამიანი იყო დაკავებული კოტ-დ'არმორის დეპარტამენტში (საფრანგეთი); სპეცოპერაცია Java-ს ფარგლებში, რომელიც 2010 წლის მარტში ჩატარდა, 24 ადამიანი იყო დაკავებული ესპანეთში; 17 - გერმანიაში, 11 - შვეიცარიაში, 3 - საფრანგეთში; 2011 წლის თებერვალში 12 ადამიანი იყო დაკავებული კანში; 2011 წლის მარტში 5 ადამიანი დააკავეს ანესიში; 2011 წლის ნოემბერში 23 ადამიანი - პარიზის რეგიონში, 8 ადამიანი კი - ესპანეთში; იმავე თვეს 5 ადამიანი რომში იყო დაკავებული; 2012 წლის თებერვალში 6 ადამიანი საფრანგეთის სამხრეთ-დასავლეთ რეგიონებში დააკავეს; 2012 წლის ივნისში 21 ადამიანი ლიმოჟის რეგიონში აიყვანეს; 2012 წლის ნოემბერში 16 ადამიანი - ვენაში; 2012 წლის ნოემბერში 11 ადამიანი სენ-ბრიეში აიყვანეს; 2012 წლის დეკემბერში 9 ადამიანი კი პარიზის რეგიონში დააკავეს.

მისივე თქმით, 2000 წლიდან ქართული მაფიის ბაზად ესპანეთი იქცა. ესპანეთიდან ახდენენ ქართელი კრიმინალები თავიანთი საქმიანობის კოორდინირებას ევროპის მასშტაბით, ნაქურდალის შემსყიდველების ფუნქცია კი სომეხ კრიმინალებს აკისრიათ.

მომზადებულია Atlantico-ს მიხედვით.