ჩვენ ყველანი გავფრინდებით და საქართველო ისეთი იქნება, როგორიც ერთაოზს წარმოედგინა, - საქართველოს პრეზიდენტმა მიხეილ სააკაშვილმა რეჟისორ ელდარ შენგელაიას დაბადების 80 წლის იუბილე ასე მიულოცა.
მისივე თქმით, ქვეყანა ყველა იმის ჯინაზე გაფრინდება, ვისაც "ჩვენი დამიწება და ცხრაკლიტულში გამოკეტვა სურს".

ლეიბორისტული პარტიის ლიდერის შეფასებით, "ქართული ოცნების" დაშლა დაწყებულია. შალვა ნათელაშვილის განცხადებით, ალასანიას პოსტიდან გადაყენება ამის დასტურია. მისი თქმით, კოალიციის შიგნით წევრთა დასჯა მიმდინარეობს. შალვა ნათელაშვილი თვლის, რომ ბიძინა ივანიშვილმა საკუთარი პარტიის გაძლიერება დაიწყო. ლეიბორისტების ლიდერის განცხადებით, "ქართული ოცნება" საპრეზიდენტო არჩევნებისთვის ცალკე პოლიტიკურ სუბიექტად წარსდგება.