მთავარი » 2012»აგვისტო»31 » ბიძინა ივანიშვილი: "თუ არჩევნები გაყალბდება, სააკაშვილი იმაზე უარესს მიიღებს
06:28
ბიძინა ივანიშვილი: "თუ არჩევნები გაყალბდება, სააკაშვილი იმაზე უარესს მიიღებს
პოლიტიკური კოალიცია "ქართული ოცნების" ლიდერის ბიძინა ივანიშვილის განცხადებით, "თუ არჩევნები გაყალბდება, სააკაშვილი იმაზე უარესს მიიღებს, ვიდრე არჩევნების წაგების შემთხვევაში მიიღებდა".
ამის შესახებ ივანიშვილმა დღეს ტელეკომპანია "მაესტროს" ეთერში განაცხადა.
"თუ ჩვენ ვიტყვი, რომ არჩევნების შედეგებს არ მივიღებთ, მაშინ ასეთივე იქნება ევროპელების პოზიციაც. იმდენი საბუთებია კანონდარღვევის, რომ სხვა გზა უბრალოდ არ ექნებათ", - განაცხადა ივანიშვილმა.
მისივე თქმით, სააკაშვილი ახლა ისეთ აგონიაშია, რომ მაინც რჩება მცირე ალბათობა იმისა, რომ არჩევნები გაყალბდეს.
"თუ ეს ასე მოხდა, მაშინ სააკაშვილი იმაზე უარესს მიიღებს, ვიდრე არჩევნების წაგების შემთხვევაში მიიღებდა. ბოლო ეტაპებზე ის უკვე წვალობს, მაგრამ მსოფლიოს ლიდერებს ვეღარ ხვდება და ახლა უკვე ისე იქცევა, რომ საზღვარგარეთ წასასვლელ გზასაც მოიჭრის", - აღნიშნა ივანიშვილმა.
სააკაშვილი აგონიაშია და აუცილებლად მოებღაუჭება იმ ხავსს, რასაც გაყალბება ჰქვია სხვა გზით ნაცმოძრაობა ამ არჩევნებს ვერ მოიგებს და ადვილი წარმოსადგენია, როგორ ეშინიათ ამით.
არა მარტო მათი კეთილდღეობა და მსუყე ცხოვრება დევს სასწორზე, არამედ თავისუფლებაც, უმეტეს შემთხვევაში.
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ]
Tbilisi Time
