პოლიტოლოგ რამაზ საყვარელიძის განცხადებით, "ნინო ბურჯანაძე ძლიერი საპრეზიდენტო კანდიდატია, რაზეც მისი ბიოგრაფია მეტყველებს". 

როგორც "პირWელს" საყვარელიძემ განუცხადა, "ნინო ბურჯანაძეს აქვს იმის უნარი, რომ პრეზიდენტობის ნებისმიერ კანდიდატს კონკურენცია გაუწიოს".     

"ნინო ბურჯანაძე საკმაოდ ძლიერი კანდიდატია, ამაზე მისი ბიოგრაფია მეტყველებს. ამასთან, ის ძალიან საინტერესო კანდიდატია, საინტერესოა იმ მხრივ, რომ ის არ ეკუთვნის არცერთ იმ პოლიტიკურ ძალას, რომლებიც მართვის სადავეებთან არიან, ვგულისხმობ, როგორც ოპოზიციას, ისე მმართველ პარტიას. შესაბამისად, რომელიმეს გაძლიერება არ იქნება მისი ჩართვა ბრძოლაში, ეს იქნება მესამე ძალა. ასეთი მესამე ძალა ბევრია, მაგრამ ნინო ბურჯანაძეს ის უპირატესობა აქვს მათთან შედარებით, რომ მას აქვს უმაღლეს საკანონმდებლო ორგანოში მუშაობის გამოცდილება და ეს საკმაოდ მნიშვნელოვანია", - განაცხადა საყვარელიძემ. 

მისივე თქმით, ბურჯანაძეს საერთაშორისო ურთიერთობებში საკმაოდ დიდი გამოცდილება და კონტაქტები აქვს, რაც ძალიან მნიშვნელოვანია.