მთავარი » 2012»ნოემბერი»27 » თეა წულუკიანი - მომავალ დღეებში სხვადასხვა "ძველი" მაღალჩინოსნების მიმართ ახალი საქმეები გაიხსნება
11:23
თეა წულუკიანი - მომავალ დღეებში სხვადასხვა "ძველი" მაღალჩინოსნების მიმართ ახალი საქმეები გაიხსნება
მომავალ დღეებში სხვადასხვა "ძველი" მაღალჩინოსნების მიმართ ახალი საქმეები გაიხსნება, - ამის შესახებ "მაესტროს" პრესკლუბში სტუმრობისას იუსტიციის მინისტრმა, თეა წულუკიანმა განაცხადა. მისივე განმარტებით, ერთ-ერთ მათგანში "მონაწილეობის მიღება მასაც მოუწევს". ამასთან, წულუკიანის თქმით, დანაშაულის ჩამდენ არც ყოფილი და არც მოქმედი თანამდებობის პირებისთვის პოლიტიკაში ყოფნა იმუნიტეტი არ იქნება. "წარსულში ან ამჟამად თანამდებობაზე მყოფი ადამიანი ვერ ისარგებლებს იმუნიტეტით მარტო იმიტომ, რომ იყო ან არის პოლიტიკაში. სირცხვილია, ყოფილი მაღალჩინოსანი კაცები წუწუნებდნენ იმაზე, რომ სისხლის სამართლებრივი წესით კითხვებს უსვამდნენ და იძახდნენ, რომ არ შევეხოთ, რადგან პოლიტიკაში იყვნენ. ეს არის ადამიანურად სირცხვილი, სამართლებრივად კი გაუმართლებელი. პოლიტიკაში ყოფნა არავისთვის არ იქნება იმუნიტეტი", - განაცხადა წულუკიანმა. გარდა ამისა, იუსტიციის მინისტრმა კიდევ ერთხელ აღნიშნა, რომ ბოლო პერიოდში დაკავებული არც ერთი მაღალჩინოსნის მიმართ პოლიტიკურ ანგარიშსწორებას ადგილი არ აქვს. "რაც კი დღემდე გახმაურებული სისხლის სამართლებრივი დევნა მომხდარა, არც ერთ საქმეზე არ შეიძლება ითქვას, რომ განხორციელდა პოლიტიკური ნიშნით და მტკიცებულებების გარეშე. ერთადერთი საქმე, რომელზეც საზოგადოებისგან დაისვა სერიოზული კითხვის ნიშნები არის გუნავას დაკავება და ამ საკითხითაც იუსტიციის სამინისტროს გენინსპექცია უკვე დაინტერესდა. დანარჩენები, ყველა გამყარებულია იმ სტანდარტით, რომელიც საჭიროა წინასწარი გამოძიებისას", - განაცხადა იუსტიციის მინისტრმა.
თეა წულუკიანი - კოტე კუბლაშვილმა ვენეციის კომისიაში საკანონმდებლო ცვლილებათა პაკეტის არასრულყოფილი ვარიანტი გააგზავნა
16:04 27-11-2012
იუსტიციის მინისტრ თეა წულუკიანის განცხადებით, კოტე კუბლაშვილმა ვენეციის კომისიაში შესაფასებლად სასამართლო ხელისუფლების რეფორმის შესახებ საკანონმდებლო ცვლილებათა პაკეტის არასრულყოფილი ვარიანტი გააგზავნა. როგორც წულუკიანმა "მაესტროს" პრესკლუბში სტუმრობისას განაცხადა, ამის შესახებ სტრასბურგში ვიზიტის დროს "აღმოაჩინა". "გაირკვა, რომ იუსტიციის სამინისტროს საკანონმდებლო ცვლილებათა პაკეტი, რომელიც სასამართლოსა და იუსტიციის უმაღლესი საბჭოს რეფორმას ეხება, ბატონ კუბლაშვილს ჩვენს დაუკითხავად, თავისი ინიციატივით გაუგზავნია ვენეციის კომისიაში და უთქვამს, შეემოწმებინათ ეს ცვლილებები. მე ვთხოვე ვენეციის კომისიას, რომ კუბლაშვილის მიერ გაგზავნილი საკანონმდებლო ინიციატივები, რომლებიც მხოლოდ და მხოლოდ პირველი ვერსია იყო და მას შემდეგ ბევრჯერ შეიცვალა, არ განეხილა, რაზეც ის მაშინვე დამთანხმდა, რადგან წარმოუდგენელია, სასამართლო დღეს თამაშობდეს პოლიტიკური ოპოზიციონერის როლს", - განაცხადა წულუკიანმა. აღნიშნულის კონტექსტში, საქართველოს იუსტიციის მინისტრი უზენაესი სასამართლოს თავმჯდომარეს მოუწოდებს, სახელმწიფოებრივი თვითშეგნება გამოიჩინოს. "მინდა ბატონ კუბლაშვილს კარგად ავუხსნა - ჩვენ ვართ ხელისუფლების სხვადასხვა შტოები, მაგრამ წარმოვადგენთ ერთ სახელმწიფოს ქვეყნის გარეთ, ამიტომ გვევალება მეტი კოორდინირებული ქმედება და მე მას ამგვარი ქცევისკენ მოვუწოდებ. ეს მაგალითი აჩვენებს, რომ ჩვენ გვჭირდება უფრო მეტი სახელმწიფოებრივი თვითშეგნება", - აღნიშნა იუსტიციის მინისტრმა. ამასთან, წულუკიანის თქმით, სასამართლოსა და იუსტიციის საბჭოს რეფორმასთან დაკავშირებულ საკანონმდებლო ცვლილებათა პაკეტზე მუშაობა უკვე დაწყებულია და მისი საბოლოო და სრულყოფილი ვარიანტი ვენეციის კომისიას ორი დღის წინ თავად სამინისტრომ გადაუგზავნა. "ჩვენი საკანონმდებლო ცვლილებების პაკეტი ხვალ მთავრობის სხდომაზეც იქნება ინიცირებული და ის პარლამენტში შევა, როგორც საკანონმდებლო ინიციატივა. ცვლილებები ორი დღის წინ ასევე გავგზავნეთ ვენეციის კომისიაში და ამით კუბლაშვილის მიერ იქ გაგზავნილი პაკეტის დაუსრულებელი და პირველადი ვერსია ჩანაცვლდება", - დასძინა წულუკიანმა.
ჰოდა, თუ არასრულფასოვანია კუბლაშვილის გაგზავნილი პაკეტი, ადგეს თეა და სრულყოფილი გააგზავნოს და საერთოდ, არ გეჩვენებათ, რომ ახალი ხელისუფლება ცოტას პასიუობა უცხოეთის ინფორმირების საქმეში? კარგია, თუ მხოლოდ მე მეჩვენება ასე, თუმცა, ნაციონალები ჯერ კიდევ ძალიან საშიშნი არიან, როგორც ვიცით, უამრავი ლობი ჰყავთ საძღვაგარეთ და ამ საქმეს სერიოზულად უნდა შეხედოს მაია ფანჯიკიძემ და სხვებმაც.
სანდრო გირგვლიანის გარდაცვალების საქმის გამოძიება იწყება და აღნიშნული საქმის გამო საკანონმდებლო ცვლილებები განხორციელდება
15:16 27.11.2012
სანდრო გირგვლიანის გარდაცვალების საქმის გამოძიება იწყება და აღნიშნული საქმის გამო საკანონმდებლო ცვლილებები განხორციელდება.
ამის შესახებ წულუკიანმა დღეს "მაესტროს" პრეს-კლუბში გამართულ პრესკონფერენციაზე განაცხადა.
"მე შეხვედრა გავმართე მინისტრთა კომიტეტეტის აღსრულების დეპარტამენტთან, რომელიც საქართველოს შესახებ გამოტანილი განაჩენის აღსრულებას უზრუნველყოფს. ერთ-ერთი ასეთი საქმე არის "ენუქიძე და გირგვლიანი საქართველოს წინააღმდეგ". ამაზე იყო დეტალური მსჯელობა. საქმე ეხება იმ ვადას, რომელიც ჩვენს სახელმწიფოს უკვე წელიწადზე მეტია, უგრძელებდა მინისტრთა კომიტეტი, რადგან წინა მთავრობა უარს ამბობდა ამ საქმის აღსრულებაზე გარდა თანხისა. თინა ბურჯალიანი ამბობდა, რომ თანხა გადაიხადეს და ამით ყველაფერი დამთავრდა, თუმცა ამით არაფერი დასრულებულა. ჩვენ გვევალება თავიდან გამოვიძიოთ ეს საქმე, რომ დავადგინოთ ვინ იყო იმ ოთხი ადამიანის გარდა სასაფლაოზე, ასევე იყო თუ არა კაფეში და მის გარეთ კიდევ ვინმე და დამნაშავეების მიკვლევის შემდეგ უნდა მოხდეს მათი ადექვატური პასუხისგებინება სამართლის წესით. ამ დეპარტამენტს გირგვლიანის განაჩენის აღსრულების გეგმა 25 ნოემბერს წარვუდგინე", - აღნიშნა წულუკიანმა.
მისივე თქმით, გირგვლიანის საქმესთან დაკავშირებით ძალიან ბევრი საკანონმდებლო ცვლილება იგეგმება.
“იმ გეგმაში, რაც წარვადგინე, მოცემულია საკანონმდებლო ცვლილებების ნუსხა, რომელსაც დეკემბერში წამოვიწყებთ, რადგან თუკი ქვეყანაში სიცოცხლის ხელყოფა მოხდა, კანონმდებლობაში უნდა არსებობდეს შესაბამისი ადექვატური ნორმა, რომელიც დაზარალებულის უფლებებს უზრუნველყოფს. მაგალითისთვის გეტყვით, რომ გირგვლიანის საქმეში 4 ბრალდებული ერთ საკანში იჯდა. იმის გამო, რომ ამის უფლებას კანონი არ იძლეოდა, კანონი შეცვალეს და ახლა ჩვენ ვაპირებთ, რომ კვლავ აიკრძალოს ერთ საკანში ერთსა და იმავე საქმეზე დაკავებული პირების ჩასმა. ჩვენ ასევე დავდეთ პირობა, რომ აუცილებლად მივიღებთ მთელ რიგ საკანონმდებლო ცვლილებებს, რომელიც გამოძიების მიუკერძოებლობას უზრუნველყოფს”, - განაცხადა მინისტრმა და დასძინა, რომ 31 იანვარს იუსტიციის სამინისტრო გირგვლიანის საქმის გამოძიებასთან დაკავშირებით დამატებით გეგმას წარადგენს.
ხომ იცით შემოდგომის ბუზის ამბავი, ასე არიან ეხლა ნციონალები და არაფრით არ უნდა მიეცეთ საშუალება ,თუნდაც იოტისოდენად აეჭვიანონ უცხოეთი ახალი ხელისუფლების დემოკრატიულ ფასეულობებში.
აქაც ივანიშვილის პრაგმატული გონების იმედი მაქვს, მაგრამ რამდენს გაწვდეს ერთი, თუნდაც ძალიან ჭკვიანი კაცი.
აქაც, ანუ ამერიკაშიც ასეა, ასეთ ამინდში ან უნდა გეძინოს, ან წიგნს კითხულობდე, ან ტელევიზორთან ყავას მიირთმევდე და კარგ ფილმს უყურებდე, ანდა საუკეთესო მეგობართან ერთად ერთობოდე! ამ უკანასკნელს დიდგორი სავსებით მიკმაყოფილებს!
Tbilisi Time
