| online |
 სულ ონლაინში: 1 სტუმარი: 1 მომხმარებელი: 0
|
|
|
მთავარი » 2012 » ნოემბერი » 21 » თეა წულუკიანი ევროსასამართლოში შეხვედრისას გირგვლიანის საქმეზეც ისაუბრებს
08:48 თეა წულუკიანი ევროსასამართლოში შეხვედრისას გირგვლიანის საქმეზეც ისაუბრებს |
22-23 ნოემბერს იუსტიციის მინისტრი თეა წულუკიანი პირველი ვიზიტით ევროპის საბჭოს ეწვევა. როგორც "ინტერპრესნიუსს" იუსტიციის სამინისტროდან აცნობეს, ვიზიტის ფარგლებში დაგეგმილია შეხვედრები
ევროპის საბჭოს გენერალურ მდივანთან, საპარლამენტო ასამბლეის მონიტორინგის კომიტეტში, ადამიანის უფლებათა ევროპულ სასამართლოში, მინისტრთა კომიტეტის ევროპული სასამართლოს გადაწყვეტილებათა აღსრულების დეპარტამენტში, ადამიანის უფლებათა კომისართან და სხვა პირებთან.
ადამიანის უფლებათა ევროპულ სასამართლოში თეა წულუკიანი სასამართლოს თავმჯდომარეს, მთავარ გამწესრიგებელსა და მოსამართლეებს შეხვდება.
იგეგმება სამუშაო შეხვედრა სასამართლოს სხვა წარმომადგენლებთან, რომლებსაც ქართულ საქმეებზე მუშაობა და მათი განხილვა უშუალოდ ევალებათ.
თეა წულუკიანი ევროპული სასამართლოს წარმომადგენლებს გააცნობს იმ ღონისძიებებს, რომლის გატარებასაც ახალი მთავრობა ადამიანის უფლებათა დაცვის გაძლიერებისა და ევროპული სასამართლოს ქართული საქმეებისაგან განტვირთვის მიზნით გეგმავს.
შეხვედრაზე ასევე განიხილება ევროპულ სასამართლოსა და საქართველოს მთავრობას შორის მომავალი თანამშრომლობის სხვა საკითხები. ადამიანის უფლებათა ევროპული სასამართლოს გადაწყვეტილებათა, აღსრულების დეპარტამენტთან შეხვედრაზე მინისტრი ენუქიძისა და გირგვლიანის, ასევე სხვა ქართულ საქმეებზე გამოტანილი გადაწყვეტილებების აღსრულების შესახებ ისაუბრებს.
|
|
ნანახია: 721 |
დაამატა: ტერი
|
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] |
|
|
|
Tbilisi Time