მთავარი » 2012»ნოემბერი»18 » საქალაქო სასამართლო შოთა ხიზანიშვილისთვის აღმკვეთი ღონისძიების შეფარდების საკითხზე მსჯელობს
05:42
საქალაქო სასამართლო შოთა ხიზანიშვილისთვის აღმკვეთი ღონისძიების შეფარდების საკითხზე მსჯელობს
თბილისის საქალაქო სასამართლოში დედაქალაქის მერის მოადგილისა და შინაგან საქმეთა მინისტრის ყოფილი მოადგილის, შოთა ხიზანიშვილის მიმართ აღმკვეთ ღონისძიებასთან დაკავშირებით სასამართლო პროცესი მიმდინარეობს. როგორც "ინტერპრესნიუსს" პროცესის დაწყებამდე ხიზანიშვილის ადვოკატმა მამუკა ჭაბაშვილმა განუცხადა, მიაჩნია, რომ მის წინააღმდეგ აღმკვეთი ღონისძიება საერთოდ არ უნდა იყოს გამოყენებული. ადვოკატის თქმით, თუ ამის აუცილებლობა დადგება, ბრალდებულს არა პატიმრობა, არამედ მაქსიმუმ გირაო უნდა შეეფარდოს. ხიზანიშვილის სასამართლო პროცესს საპარლამენტო უმცირესობის წარმომადგენლებიც ესწრებიან. შოთა ხიზანიშვილს ბრალი ოფიციალურად გუშინ წარედგინა. მას ბრალი ედება სისხლის სამართლის კოდექსის 333-ე მუხლის პირველი ნაწილით და 158-ე მუხლით, რაც სამსახურებრივი უფლებამოსილების გადაჭარბებას და ტექნიკური საშუალებით ინფორმაციის უკანონო მოპოვებას, გამოყენებას ან გავრცელებას გულისხმობს. პირველი ბრალდება სამ წლამდე თავისუფლების აღკვეთას ან ჯარიმას, ხოლო - მეორე ბრალდება 2-5 წლამდე თავისუფლების აღკვეთას ითვალისწინებს.
ვინც ეს უკანონო მოსმენები და თვალთვალი დაუკვეთა ამ კაცს, იმათაც მალე მიაკითხავენ იმედია,მთავარ თაღლითებს, სააკაშვილს , ბოკერიას, მერაბიშვილს და სხვებს კიდევ.
გიგი, ნამეტანი გაბლატავდა.. ბიძინას შეურაცხყოფაზეა გასასული. მან იცის უკვე , რომ მას დაიჭერენ, ამიტომ მერე მის დაკავებას სარჩული რომ დაუდონ ბიძინას პირადი შურისძიების გრძნობა, რომ არ აპატია უგულავას მის წინააღმდეგ გამოთქმული სიტყვები მაგიტომ დააპატიმრაო.
მოკლედ ეს გიგი უფრო და უფრო ამაზრზენად იქცევა და მიუსვამენ მალე ცოტნე ახალაიას..
Tbilisi Time
როგორ ძალიან შეშინებულია!!! 
