საქართველოს პრემიერ-მინისტრობის კანდიდატის, კოალიცია ”ქართული
ოცნების” ლიდერის ბიძინა ივანიშვილის განცხადებას, რომ საქართველო არ
აპირებს სოჭის ზამთრის ოლიმპიური თამაშების ბოიკოტირებას, რუსეთში
გარკვეული გამოხმაურება მოჰყვა. გაზეთი ”იზვესტია” კანადაში დაუკავშირდა
ქართველ მოციგურავეს, ევროპის ორგზის ბრინჯაოს პრიზიორს ელენე
გედევანიშვილს და ამ საკითხის თაობაზე რამდენიმე კითხვა დაუსვა.
- როგორ შეაფასებთ ამ ინფორმაციას?
- ოლიმპიურ თამაშებზე გამოსვლა ყველა სპორტსმენის დიდი
ოცნებაა. მიხარია, რომ ჩემმა ქვეყანამ სოჭის ოლიმპიურ თამაშებში
მონაწილეობა გადაწყვიტა. რუსეთში მრავალი წელი ვიცხოვრე და კიდევ
სიამოვნებით ჩავიდოდი. იმედია, სოჭში ჩემთან ერთად საქართველოს ოლიმპიური
ნაკრების ღირსებას დაიცავს ჩემი ძმა დიმიტრიც. ის მოთხილამურეა და ახლა
ამერიკაში ვარჯიშობს.
- 2006 წელს თქვენი ოჯახი იმ ქართულ ოჯახებს შორის აღმოჩნდა,
რუსეთსა და საქართველოს შორის დაძაბული პოლიტიკური ურთიერთობის გამო
იძულებული რომ გახდა, სამშობლოში დაბრუნებულიყო...
- მართლმადიდებელი ხალხი ვართ და პატიებაც შეგვიძლია.
იმ ამბის შემდეგ, 2010 წელს, მოსკოვში ჩავედი მსოფლიო ჩემპიონატზე, სადაც
ძალიან თბილად მიმიღეს. არავითარი დისკომფორტი არ შემქმნია.
- ყოფილ მწვრთნელებთან ტატიანა ტარასოვასთან და ელენა ვოდორეზოვასთან თუ ინარჩუნებთ ურთიერთობას?
- შეჯიბრებებზე ხშირად ვხვდებით ერთმანეთს. კარგი ურთიერთობა გვაქვს.
Tbilisi Time
საქართველოს პრემიერ-მინისტრობის კანდიდატის, კოალიცია ”ქართული
ოცნების” ლიდერის ბიძინა ივანიშვილის განცხადებას, რომ საქართველო არ
აპირებს სოჭის ზამთრის ოლიმპიური თამაშების ბოიკოტირებას, რუსეთში
გარკვეული გამოხმაურება მოჰყვა. გაზეთი ”იზვესტია” კანადაში დაუკავშირდა
ქართველ მოციგურავეს, ევროპის ორგზის ბრინჯაოს პრიზიორს ელენე
გედევანიშვილს და ამ საკითხის თაობაზე რამდენიმე კითხვა დაუსვა.
