უამინდობის გამო ფეხბურთში საქართველოს ჩემპიონატის მე-15 ტურის 4 მატჩი გადაიდო.

როგორც "ინტერპრესნუსს" ფეხბურთის ფედერაციის პრესსამსახურის უფროსმა ლაშა დვალიშვილმა განუცხადა, გადადებულია "სპარტაკი" – "მეტალურგის", "ვიტ ჯორჯია" - "სიონის", "დილა" – "კოლხეთისა" და ტურის ყველაზე მნიშვნელოვანი – "ზესტაფონი" – "დინამოს" მატჩები.
როდის გაიმართება გადადებული შეხვედრები, ფეხბურთის ფედერაციაში ამ დროისთვის ვერ აკონკრეტებენ. როგორც ისინი აცხადებენ, ეს ამინდზეა დამოკიდებული.

გარდა ამისა, რამდენიმესაათიანი დაგვიანებით დაიწყება დასავლეთ საქართველოში დანიშნული მატჩებიც, კერძოდ, "გაგრა" - "ბაიასა" და "ტორპედო" – "მერანს" შორის შეხვედრები. 

"ინტერპრესნიუსი"