მთავარი » 2011»ნოემბერი»29 » ცხინვალელები ე.წ. არჩევნებში ალა ჯიოევას გამარჯვებას ზეიმობენ
10:28
ცხინვალელები ე.წ. არჩევნებში ალა ჯიოევას გამარჯვებას ზეიმობენ
15:31 29.11.2011
[ინტერპრესნიუსი]
ცხინვალელები ე.წ. სამხრეთ
ოსეთის საპრეზიდენტო არჩევნებში ალა ჯიოევას გამარჯვებას ზეიმობენ. ამის
შესახებ ერთ-ერთი ცხინვალური ოპოზიციური ვებგვერდი იუწყება.
ვებგვერდის
ინფორმაციით, ცხინვალის მოსახლეობამ სიხარულით მიიღო განცხადება მეორე
ტურში ჯიოევას გამარჯვების შესახებ. ადგილობრივებმა ეზოებში მუსიკალური
ინსტრუმენტები გამოიტანეს, ახალგაზრდები ოსურ ცეკვებს ასრულებენ.
ცხინვალელები ჯიოევას გამარჯვებას ერთმანეთს ულოცავენ. ვებგვერდი ასევე
აქვეყნებს რიგითი ცხინვალელების მილოცვებს ჯიოევას მიმართ.
თუმცა დე
ფაქტო რესპუბლიკაში ჯერ კიდევ ელოდებიან ე.წ. უმაღლესი სასამართლოს
გადწყვეტილებას პარტია "ედინსტვოს" სარჩელთან დაკავშირებით, რომელიც ე.წ.
საპრეზიდენტო არჩევნებზე დარღვევებს ეხება.
დღეს ე.წ. სამხრეთ
ოსეთის მოქმედმა დე ფაქტო პრეზიდენტმა ედუარდ კოკოითიმ განავხადა, რომ ე.წ.
საპრეზიდენტო არჩევნების შედეგებთან დაკავშირებით უნდა დაელოდონ უმაღლესი
სასამართლოს გადაწყვეტილებას, რომლის უპირობო შესრულებას ქვეყნის
ხელისუფლება უზრუნველყოფს.
ე.წ. სამხრეთ ოსეთში საპრეზიდენტო
არჩევნების მეორე ტური 27 ნოემბერს გაიმართა. არსებული ინფორმაციით,
არჩევნებში ალა ჯიოევამ გაიმარჯვა. ჯიოევას კონკურენტი ანატოლი ბიბილოვი
დამარცხებას არ აღიარებს.
მართალია, ჩვენ ძალიან ბევრი რამ გვაკავშირებს- ისტორია, სისხლით ნათესაობა, უამრავი შერეული ოჯახი. უფალი გაუნათებს გონებას ოსებსაც, ქართველებსაც და ერთად მოვიცილებთ გველეშაპს.
Tbilisi Time
