"მაესტროს" ეთერში არხის სრულფასოვანი მაუწყებლობის აღდგენამდე "ევრონიუსი" ჩაირთვება, - ამის შესახებ "ინტერპრესნიუსს" ეროსი კიწმარიშვილმა განუცხადა .

მმისი თქმით, ის არხზე ახლა ინვენტარიზაციის პროცესს აწარმოებს. "მინდა მაუწყებლობა დროებით აღვადგინო. ვაპირებ "ევრონიუსის" ჩართავას, სანამ არხის სრულფასოვანი მაუწყებლობა ადგება. ახლა მიდის გატაცებული ბუღალტერიისა და საფინანსო დოკუმენტების ანალიზი", –აღნიშნა კიწმარიშვილმა. მისივე თქმით, მას "მაესტროში" ადამიანური რესურსის მოზიდვა არ გაუჭირდება, თუმცა, ტელევიზიაში იქნება იმ ადამიანების უმრავლესობა, რომლებიც "მაესტროს" აქამდე აკეთებდნენ. ეროსი კიწმარიშვილმა კომენტარი მამუკა ღლონტის გუშინდელი გადაწყვეტილების შესახებაც და აღნიშნა, რომ ღლონტი არხის გენერალური პროდიუსერი არც არასდროს ყოფილა, ის არხზე გადაცემა "ყოველდღიური აბების" ერთ-ერთი თანაპროდიუსერი იყო და არ ჰქონდა უფლება, არხის სამომავლო გეგმებთან დაკავშირებით ტელევიზიის სახელით ვინმესთან მოლაპარაკებები ეწარმოებიან.

რაც შეეხება კახა ბექაურს, მისი თქმით, გაუგებარია სად მიდის სამუშაოდ ბექაური. "სად მოდის ბექაური, გაუგებარია. თუ უნდა რადიო "მაესტროში" მივიდეს სამუშაოდ, თუმცა, რადიო "მაესტროსთანაც" მექნება სამართლებლივი დავა, რადგან ტელევიზიის ბევრი ტექნიკა გადატანილია იქ და მისი გამოყენება უკანონოდ ხდება", - განაცხადა ეროსი კიწმარიშვილმა. 

"ინტერპრესნიუსი"