„ლეიბორისტული პარტიის" ლიდერი, შალვა ნათელაშვილი, გაზეთ „პრაიმტაიმთან" ინტერვიუში ყოფილ თანაპარტიელებს დანაშაულში ამხელს. ნათელაშვილის განცხადებით, იმ ექვსი ადამიანიდან, რომლებმაც სულ ცოტა ხნის წინ პარტია დატოვეს, ერთი-ნარკომოვაჭრე,  ერთი კი მკვლელია. იურისტი შალვა ნათელაშვილი ამჟამად ყოფილი თანაგუნდელების საქმის შესწავლითაა დაკავებული და სულ მალე კონკრეტული გვარების დასახელებას აპირებს. მანამდე კი მხოლოდ იმას ამბობს, რომ ნათელაშვილი ივანიშვილის ფულზე გაყიდეს.

 „იმას, რაც მოხდა "ლეიბორისტულ პარტიაში", პოლიტიკურ რყევას არ დავარქმევდი, ეს იყო წმენდის ბუნებრივი პროცესი. ამ შემთხვევაში სიტუაცია თავისთავად მომწიფდა და ვისაც წასასვლელი ჰქონდა, სავსებით სწორი გადაწყვეტილება მიიღო, რაშიც ჩვენ ყველანაირად შევუწყვეთ ხელი. ეს იყო ივანიშვილის მილიონების შედეგი",- აცხადებს "ლეიბორისტული პარტიის" ლიდერი.

 მისივე თქმით,  შალვა ნათელაშვილის ღალატი იარებად ჯდება შალვას გულში.

 "ღალატი ძალიან მძიმედ გადამაქვს, მით უმეტეს, იმისგან, ვისგანაც არ ვიმსახურებ. იმისგან, ვინც მეგონა, რომ ადამიანად ვაქციე. როგორც ახლა ვარკვევ, ზოგს მკვლელობა ჰქონდა ჩადენილი, ზოგი ნარკობარიგა იყო. ვსაუბრობ იმათზე, ვინც წაბრძანდნენ და გრძელ ენებს ატლიკინებენ. არ მინდა ჯერჯერობით ამ თემაზე საუბარი. მერე ყველაფერს ვიტყვი, როცა საჭირო იქნება",- აცხადებს ნათელაშვილი და კონკრეტული გვარების დასახელებისგან თავს იკავებს.

 timer.ge-ს ინფორმაციით,  "ლებორისტული პარტია" ცოტა ხნის წინ 6 ადამიანმა დატოვა. ესენი არიან: პარტიის გენერალური მდივანი, სოსო შატბერაშვილი; იდეოლოგიური მდივანი, კახაბერ ძაგანია; აღმასრულებელი მდივანი, პაატა ჯიბლაძე; საორგანიზაციო მდივანი, კონსტანტინე გუგუშვილი; რეგიონალური მდივანი, გიორგი მთვარელიძე და აპარატის უფროსი, დავით ვერძეული.